Координацион советы æмбырды æрдзырдтой Фыццæгты змæлды цæгатирыстойнаг хайады архайды хатдзæгтыл

Цæгат Ирыстоны сæргълæууæг Сергей Меняйло сарæзта регионалон координацион советы æмбырд. Æрдзырдтой Фыццæгты змæлды цæгатирыстойнаг хайады архайды хатдзæгтыл. Абон республикæйы кусы 241 пункты, сæ хыгъды — 90 мин æнахъомы, педагогтæ æмæ разамонджытæ. Æххæстгонд цæуынц проекттæ “Флагманы возможностей”, Сабибонты æмæ æвзонгады фестиваль, “Уæрæсейы скъолайы уалдзæг”, “Зарница 2:0”, “Эхо военных лет” æмæ тематикон сменæтæ. Фидæны фæнд кæнынц мадзæлтты нымæц фæфылдæр кæнын, уæлдай æргом аздахын ахуырад, культурæ, патриотизм æмæ спортмæ. Сæргълæууæг фæнысан кодта, ахсджиаг у, цæмæй фæсивæд уа республикæйы æмæ бæстæйы иу хай.