Апарахат сæ кодтой Цæгат Ирыстоны информацион портал «15-æм Регионы» кусджытæ. Сæ сæйраг хъайтар та, адæймаг у, зæгъгæ, зæгъиккам, фæлæ ма уæхæдæг кæсут. Райсомæй Беслæны цæрæг сылгоймагæн йæ куыстмæ рацæуын афоныл йæ къухы нæ бафтыд. Йæ хæдтулгæйы бабадт, æркусын æй кодта æмæ уыцы минут йе `фсæн бæхмæ йæ зæрдæ фехсайдта.
Цыдæр æнахуыр уынæр дзы хъуыст. Хæдтулгæйы хицау ын йæ капот куы фегом кодта, æмæ сагъдау аззад. Хæдтулгæйы æвдæлон рæттæ чидæр æнгузтæй байдзаг кодта. Адæм фыдуаггæнæджы агурын куы райдыдтой, уæд æй уайтагъд не ссардтой. Фæстæдæр фæгуырысхо сты æхсæрсæттæгыл, фæлæ йын йæ фæд дæр нал ауыдтой. Чизоны, сæм искуыцæй сусæгæй каст.
