Авд ног хæдзары Елхоты райстой куыстуат «ДЕ-ГУСТО»-йы кусджытæ. Цæрæнуæтты фæзуат у алыхуызон, сæ иуты ис бирæсывæллонджын бинонты фаг бынат дæр. Бинонты бабæрæг кодта республикæйы сæргълæууæг Сергей Меняйло. Бынаты Регионы разамонæг ныхас кодта кооперативы райрæзтыл дæр.
Фыццаг уал къæсæрæй бакъахдзæф кодта хæдзары хицау, республикæйы сæргълæууæгæн æвдисы агъуыстытæ æмæ йæ ног уавæртæ. Цæрæнуат у цалцæггонд, ис дзы электрон тых, газ, дон. Æрмæст ма дзы хъæуы дзаума баласын. Хӕдзары ис сывæллæттæ, Сергей Меняйло сæ бафарста, ног хæдзар сæ зæрдæмæ цæуы æви нæ, уымæй. Алкæмӕн дӕр æвæстиатæй равзарын кодта йæхицæн агъуыст.
Авд ног хæдзары Елхоты райстой куыстуат «ДЕ-ГУСТО»-йы кусджытæ. Цæрæнуæтты фæзуат у алыхуызон. Сæ иуты ис бирæсывæллонджын бинонты фаг бынат дæр. Хæдзары цур ис зæххы хай. Ацы æххуыс чи райста, уыдоны ныхæстæм гæсгæ, ныр сæ цард бирæ фенцондæр уыдзæн.
Хæдзæрттæ самадтой фарон «Хъæуты территориты цæрæнуæтты арæзтады райрæзт æмæ хæдзæртты хæрзвадат уавæртæ аразыны» федералон проектмæ гæсгæ. Тагъд рæстæджы сын сæ алыварс саив кæндзысты, сæвæрдзысты дзы асфальт æмæ сын æмхуызон æмбондтæ сараздзысты.
Уый фæстæ Сергей Меняйло куыстуатæн йæхи дæр бабæрæг кодта. Бынаты сарæзтой æмбырд. Ныхас цыд кооперативы райрæзтыл. Ам, дыргъдæттæй уæлдай, ис фосдарыны куыст кӕнӕн, кæнынц хъæууонхæдзарадон зайæгойты куыст, ис дзы хоры культурæтæ, сæнæфсир. Фæндтæ дæр сæм бирæ ис. Ныртæккæ кооператив фæнд кæны йæ архайдмæ ног технологитæ бахæссын.
