Мæскуыйы æппæтадæмон ахастдзинæдты паддзахадон институты цæуы Цæгат Ирыстоны къуыри. Уый тыххæй фехъусын кодта Сергей Меняйло. Сæргълæууæг фæнысан кодта, бæстæйы раззагдæр университеттæй иу студентты зонгæ кæндзæн нæ республикæимæ. Ацы хъуыддагæн ис стыр нысаниуæг.
Равдыстам дзы нæ æргъдæуттæ, сарæзтам дзы дæсныйадæвдисæг ахуыртæ, Цæгат Ирыстонæй фæхуыдтам кадджын минæвæртты. Регионы разамонæджы ныхæстæм гæсгæ, университетимæ хæлар ахастдзинæдтæ æрвылаз рæзынц. Ууыл дзурæг та сты æмгуыстады бадзырдтæ æмæ иумæйаг проектты æххæсткæнынад. Сергей Меняйло бузныг загъта уæлдæр ахуыргæнæндоны ректор Анатолий Торкуновæн, уыимæ студенттæ æмæ ахуыргæнджытæн æнтыстджын куысты фæдыл. Фæнысан кодта Алайнаг æхсæнады минæвæртты архайд. Уыдон алкæддæр иннæ регионты ‘хсæн бæрзонддæр кæнынц Цæгат Ирыстоны кад.
