Сергей Меняйло æмæ Уæрæсейы экономикон райрæзты министр Максим Решетников ныхас кодтой цæрæнуæтты-коммуналон хæдзарады æмæ энергетикæйы куыстуæтты райрæзты программæйыл. Ныртæккæ Цæгат Ирыстон бахауд æртæ фæлварæн субъектты хыгъдмæ.
Республикæйы сæргълæууæг куыд радзырдта, афтæмæй регион фæвæййы донæй æфсадæг куыстуæтты исбонад иу кæнын. Абоны бонмæ дондæттæн объекттæн баиу кодтой сæ 94%, донуадзæн куыстуæттæн сæ 93%, хъармдæттæн объекттæ та æххæст сты 92% онг. Уыцы иу рæстæг архайд цæуы цæрæн пунктты дæр, ивынц дзы инженерон хызтæ, бирæ азты доны фарста аиуварсгæнинаг кæм уыд, уым дæр куыст цæуы.
