Хъæдимæ кусын, кусæнгæрзтæ цалцæг кæнын æмæ дзаумæттæ хуыйын. Мæздæджы скъолай-интернаты уыдæттыл ахуыр кæнынц сывæллæтты. Алы дæсныйадæн дæр – йæхи æрмадз. Кусæнгæрзтæ сын самал кодтой федералон фæрæзтæй. Республикон бюджетæй та агъуыстытæ сцалцæг кодтой. Сывæллæттæ ног дæныйæдтыл куыд фæцалх сты, уый тыххæй нæ уацхæсджыты æрмæджы.
Хырхын, лæгъз кæнын, хъæдæрмæгимæ архайын ацы лæппутæ ныридæгæн хорз базыдтой. Нырма уал хуымæтæг дзауматæ кæнынц, фæлæ сæ ныфс ис, сӕ архайд дæсныдӕр кӕй уыдзӕн, уымæй.
Алы куыстмæ дæр сæрæн сты. Дондзæуæн хæтæлтæ ӕмӕ æфснайæн кусæнгæрзтæ дæр цалцæг кæнынц. Сæ фæлтæрддзинад уæлдæр кæныны тыххæй, «Современная школа», зæгъгæ, федералон проекты фæлгæты балхæдтой ног хуыйæн машинæтæ дæр.
Йе ‘нæниздзинад кæмæн фӕцудыдта, уыцы сабиты хъомыладæн ахæм дæсныйæдтæ базонын фидӕны пайда уыдзысты. Ахуыр сæ кæнынц кусæг дæсныйæдтыл.
Кусæнгæрзтæ самал кодтой федералон фæрæзты руаджы. Æрмадзтæ та сцалцæг кодтой республикон бюджеты æхцайы фæрæзтæй. Мæздæджы скъола-интернаты директор Наталья Мироненко куыд зæгъы, афтæмæй ацы хъуыддагмæ 10 азæй фылдæр æнхъæлмæ кастысты. Цалцæггæнæн куыстытæ фесты сæрды æмæ ныртӕккӕ сывæллæттæ сæхи фæлварынц.
Мæздæджы скъола- интернаты ахуыр кæнынц 5 къабазмæ гæсгæ – арæзтадон, лæггадгæнæн, декоративон аивад, хуыйæн æмæ дзабыртæ кæнæн дæсныйæдты. Алы ран дæр ныр ис ног цалцæггонд æрмадзтæ.
