Ацы аз, фыццаг сывæллон цы бинонтæн райгуырд, уыдон райстой мадæлты капитал. Æдæппæттæй сты мин æмæ 500-мӕ ввахс. Уый тыххæй хъусын кæны пенсион фонды регионалон хайад. Æдæппæтæй та мадæлты капитал лæвæрд æрцыд 2 500 бинонтæн. Уæ зæрдыл уын æрлæууын кæндзыстæм, фыццаг сывæллонæн мадæлты капиталы бæрц у 520 минæй чысыл фылдæр. Программæ адæргъвæтин кодтой 2026-æм азы онг.
Бафтадзыстæм ма уы æмæ мадæлты капиталы сертификат лæвæрд кæй цæуы æнæ курдиат ныффыссынæй. ЗАГС-æй Пенсион фондмæ цы бæрæггæнæнтæ æрцæуы æрвыст, уыдон фаг сты мадæлты капитал снысан кæнынмæ æмæ радтынмæ. Курдиат фыссын хъæуы æрмæст исгæ сывæллон цы бинонты ис, уыдоны.
