Мидхъуыддæгты министрады Цæгат Ирыстоны упраленийы кусджытæ сарæзтой Горæтгæрон районы хуырхæццæ змис амал кæнынады хъуыддаджы фæдыл егъау сгæрстытæ.
Куыд рабæрæг, афтæмæй куыстуæттæ хуыр исынц æмæ ласынц фæткхæлдтытимæ. Егъау къахт кæй цæуы, уый аххосæй тæссаг у электрон тыхы цыд æрхауынæй. Уæд республикæйы электрон тыхæй пайдагæнджытæ баййафдзысты къуылымпыдзинæдтæ. Пъæлицæйæгтæ æмæ æндæр бæрнон ведомствоты кусджытимæ иумæ æппæт фæткхæлдтытæ фæнысан кодтой, цæмæй сыл бæстондæр бакусой.
