Ныр та аиуварсгæнинаг фарстайы тыххæй. Микрорайон “Ног горæт”-ы æфснайынц æнæзакъон бырондон. Цæгат-Ныгуылæн æмæ Терчы фале районты администрациты специалисттæ кусынц знонæй нырмæ.
Ныридæгæн аластой 40 кубометры онг бырæттæ. Æххуыс сын сты техникæйы 3 иуæджы. Территори æххæстæй ныссыгъдæг кæндзысты дыууæ къуыримæ. Уæ зæрдыл уын æрлæууын кæндзыстæм, афæдзы райдиан ацы бынат æфснайд æрцыд, фæлæ дзы цæрджытæ дарддæр калдтой арæзтадон æмæ цардархайды хауæццæгтæ. Специалисттæ сидынц, цæмæй горæты экологимæ куыдфæндыйы цæстæй ма кæсой.
