Национ-наукон чиныгдоны ацыдис Цæгат Ирыстоны фыццаг президент Галазты Æхсарбеджы номыл конд презентаци. Бацæттæ йæ кодтой йæ 90 азы райгуырæн боны кадæн. Уазджытæ дзы федтой Галазты Æхсарбеджы хуызистыты равдыст. Уырдæм хаст æрцыдсты йæ бинонтæ, йæ хæлæрттæ æмæ йæ хорз чи зыдта, уыцы адæмы къамтæ дæр. Адæм афæлгæсыдысты нæ республикæйы фыццаг президенты цардвæндагыл. Уымæй уæлдай национ-наукон чиныгдоны кусджыты фæрцы уазджытæ базыдтой бирæ цымыдисаг хабæрттæ йæ бирæвæрсыг куысты тыххæй. Уыимæ ма аРдæм саггаг кодтой республикæйы фыццаг президенты паддзахадон уынаффæгæнæг, Цæгат Ирыстоны медицинон академийы профессор Сергей Плахтий, Ирыстоны адæмон поэт Гуырдзыбеты Иринæ, Ветеранты Советы сæрдары хæдивæг Бедойты Руслан, нæ республикæйы мыхуыры æмæ дзыллон коммуникациты комитеты сæрдар Фидараты Юрий.
Ацы хуызистыты равдыст бацæттæ кодтой нæ республикæйы æрыгон æмæ курдиатджын адæм. Стыр æвæрæн æм бахаста Федерацийы Советы федералон æмбырды уæнг Фадзайты Арсены æххуысгæнæг Дидараты Сослан æмæ журналист Къæбысты Аннæ. Равдысты аразджытæ куыд бамбарын кодтой, афтæмæй сæ сæйраг нысан уыд Галазты Æхсарбегæн йæ сæйраг миниуджытæ равдисын.
