Низ рагацау рабæрæг кæнын æмæ йæ афойнадыл сдзæбæх кæнын. Уый тыххæй республикæйы ис диспансеризацийы программæ. У «Демографийы» национ проекты иу хай. Медицинон лæггæдтæ афæдзæй-афæдзмæ æнцонвадатдæр кæнынц. Уый фæрцы пъланмæ гæсгæ медицинон æркаст ацæуынц фылдæр цæрджытæ. Хистæр кары адæмæн арæзт проекты фæрцы фарон æрмæст Æрыдоны районы диспансеризаци ацыдысты 300 адæймагæй фылдæр.
Дзуцаты Махарбегæн 11 азы размæ скодтой уæззау операци. Цæмæй фæстæмæ йæ къæхтыл слæууа, уый тыххæй бирæ рæстæг бахъуыд. Ныр ын йе ‘нæниздзинады уавæрмæ кæсын æнæмæнг хъуыддаг у. Нæлгоймаг куыд зæгъы, афтæмæй йæхицæн поликлинкæмæ æрбацæуын зын вæййы.
Сæрмагондæй хистæр фæлтæрæн цы проект сарæзтой, уый ахæм пациенттæн сæ уавæр зынгæ фæрогдæр кæны. Хъæуты карджын цæрджыты медицинон уагдæттæм бахæццæ кæнынц лæвар. Уый тыххæй ис сæрмагонд транспорт.
Национ проекты фæлгæты диспансеризаци ацæуæн кæй ис, уый Хъæдгæроны цæрæг Дзыгасты Светланæ æнæнхъæлæджы базыдта. Сылоймаг фарон фæрынчын ковидæй. Æрæджы, цæмæй низы фæстиуджытæ мацæмæ расайой, уый тыххæй дохтыры æркасты фæдыл хъæуы поликлиникæмæ æрбацыд.
Диспансеризаци цæуы нысангонд фæткмæ гæсгæ. Рагагъоммæ йæ сфидар кæнынц Æнæниздзинад хъахъхъæныныады министрад æмæ Фæллой æмæ социалон райрæзты министрадимæ.
Хистæр кары цæрджыты дисансеризаци æмæ профилактикон æркастæн Æрыдоны районы рынчындоны кусы сæрмагонд кабинет. Уæлдай хъусдард цæуы, коронавирусæй ранчын чи уыд, уыдонмæ.
Æрыдоны районы социалон лæггæдты центры бæрæггæнæнтæм гæсгæ, фарон сæрмагонд проекты фæлгæты хистæр кары минæвæрттæй диспансеризаци ацыдысты 319 адæймаджы. Медицинон лæггад райсыны хъуыддаг æнцондæр кæны. Уымæй уæлдай, хъæуты цæрæг карджын адæмæн социалон лæггæдтæ исын зынгæ фенцондæр.
