Уæрæсейы регионты ис 54 ирон диаспорæйы. Фæсарæнты та сæ нымæц у 34.
Се ‘ппæтимæ дæр æмгуыст кæны республикæйы нациты ‘хсæн ахастдзинæдты фарстаты фæдыл министрад. Ирæттæй алы бæстæты чи цæры, уыдоны ведомство ифтонг кæны методикон æрмæджытæ æмæ литературæйæ. Æххуыс сын кæны ирон æвзаг ахуыр кæнынмæ.
Арæх арæзт цæуынц фембæлдтæ онлайн хуызы. Уыимæ ма, республикæйы арæзт æрцыд проект «Этнолагерь». Йæ архайджытæ сты, ирон диаспорæты минæвæрттæй Цæгат Ирыстоны чи нæма уыд, уыдон. 10 боны дæргъы сæ зонгæ кæнынц республикæйы традицитæ æмæ культурæимæ. Аразынц сын алуыхуызон дæсныйадæвдисæн ахуыртæ æмæ семинартæ. Азæй-азмæ проекты архайджыты нымæц кæны фылдæр.
