«Город трудовой доблести», зæгъгæ, кадджын нысан фæзындзæн Уæрæсейы. Сæрмагонд закъоныпроект Паддзахадон Думæмæ бахаста нæ бæстæйы президент Владимир Путин.
Ацы хъæппæрисимæ сразы сты цæгатирыстойнаг депутаттæ дæр, парламенты советы æмбырды. Сæрмагонд гæххæтмæ гæсгæ, кадджын ном нысан кæндзысты Фыдыбæстæйы Стыр хæсты уæлахизмæ стыр æвæрæн цы горæты цæрджытæ бахастой, уыдонæн. Уыцы горæтты сæвæрдзысты сæрмагонд нысæнттæ. Парламенты уæнгтæ ма сразы сты федералон хъæппæрисимæ. Йæ фæлгæты транспорт паддзахадон регистрацийы фæтк фæкарздæр уыдзæн. Хæдтулгæйы ног хицау æй Паддзахадон автоинспекцийы нæ фæнысан кæны, уымæ гæсгæ хъалонтæ æмæ ивартæ бафиды хæдтулгæйы раздæры хицау. Авторты хъуыдымæ гæсгæ хæдтулгæйы ног хицауæн æнцондæр вæййы административон ивар бафидын, уымæн æмæ транспорты хъалон æмæ Паддзахадон автоинспекцийы ивартæ хъуамæ фида машинæйы раздæры хицау. Афтæмæй, ахæм хуызы хъæуы транспорты регистраци фæткмæ гæсгæ чи нæ æххæст кæны, уыдоны ноджы карздæр æфхæрын.
