Национ телекомпани “Осетия-Ирыстон”-ы равзæрды бон кусджытæн арфæ ракодта Сергей Меняйло. Бузныг сын загъта сæ фæлтæрддзинад æмæ сæ дæсныйадмæ уарзондзинады фæдыл. Куысты æнтыстытдзинæдты æмæ бæрзонд дæсныдзинады тыххæй «Республикæйы сгуыхт журналист»-ы кадджын ном лæвæрд æрцыд тематикон хайады шеф-редактор Гуыбаты Людмилæйæн. Кады гæххæттытæй æмæ бузныджы фыстæджытæй хорзæхджынгонд æрцыдысты уацхæсджытæ, оператортæ, режиссертæ, монтажертæ. Сæргълæууæг фæнысан кодта, абон “Осетия-Ирыстон” ис бæстæйы регионалон телекомпаниты хуыздæрты номхыгъды.
