Паддзахадон автоинспекцийы кусджытæ аразынц рейдтæ Дзæуджыхъæуы

Æнæзакъоныл ма нымад цæуы хæдтулгæты æвгтæ тар кæныны хъуыддаг. Дзæуджыхъæуы уынгты дарддæр цæуынц егъау профилактикон рейдтæ. Паддзахадон автоинспекцийы кусджытæ æрвылбон бæрæг кæнынц барадхæлдтытæ. ГОСТ-мæ гæсгæ æвгтæ хъуамæ рухс уадзой 70%. Транспорты хицæуттæй сæ фылдæр пленкæ рафтауынц бынаты. Афтæмæй хи бахизынц карздæр фæстиуджытæй. Чи нæ сразы вæййы, уыдоны дывæрæй бафхæрынц. Æрмæст афæдзы райдианæй Паддзахадон автоинспекцийы фæнысан кодта дыууæ мин фæткхæлдæй фылдæр. Инспектортæ зæрдыл лæууын кæнынц, 9-æм январæй йæ тыхы бацыд ног закъон. Ныр æвгтæ тар кæныны тыххæй ивар кæндзысты автотранспорты хицæутты, ныхас цæуы Уæрæсейы Федерацийы территоримæ рæстæгмæ кæй æрбаластой, уыцы хæдтулгæтыл. Йæ бæрц – 500 сомы.