Дзæуджыхъæуы поселок Спутникы сарæзтой рейд электроэнерги æнæзакъонæй чи фæлхас кæны, уыдоныл. Бирæуæладзыгон хæдзары нымайæн хыгъд хъыгдæрд баййæфта.
Цæгаткавказэнергойы специалистты ныхæстæм гæсгæ, цæрджытæ хца пъланмæ гæсгæ фыстой, фæлæ рухс цæмæдæр гæсгæ бирæ хардз кодтой. Куыд рабæрæг, афтæмæй нымайæнты 20% хъæуы баивын. Бирæтыл сæрмагонд пломбæтæ дæр æвæрд нæй. Иу ран рабæрæг кодтой прибортæм æвнæлд кæй ис, уый дæр. Хæдзары хицауыл сарæзтой акт, æнæзакъонæй рухсæй кæй пайда кодта, уый тыххæй. Ацы адæймагмæ æнхъæлмæ кæсы административон æфхæрд – 10 минæй 30 мин сомы бæрц ивар. Зæгъын хъæуы уый, æмæ поселок Спутникы ахæм иртæстытæ цæуынц пъланмæ гæсгæ. Дзæуджыхъæуы районты рейдон мадзæлттæ цæудзысты азы дæргъы.
