Хуссар Æфсæддон Зылды, 58-æм æфсады сгарджытæн сарæзтой ахуырадон-методикон ахуыртæ. Архайдтой дзы командыгæнæг сконд, æфсæддон дæлхайæдтæ æмæ батальонты службæгæнджытæ. Сæ хæслæвæрдтæй иу уыд знаджы рæнхъытæй æвзаг чи зоны ахæм адæймаджы æрцахсын.
Диверсион-сгарæн къордæн бантыст мæнг ныхмæллæууæгджы сусæг документтæ байсын. Архайдтой дзы 100 æфсæддонæй фылдæр æмæ техникæйы 30 иуæджы. Æрдзон уавæрты ахуыр кодтой, хæцæнгæрзтæй куыд æхсын хъæуы, размæ бырсын куыд хъæуы, уыдæттæ, стæй тактикон æмæ хи æмбæхсыны мадзæлттæ. Хуссар Ирыстоны æфсæддонтæ æмæ Хуссар Æфсæддон Зылды æфсæддонтæн та ацыдысты ротæтыт тактикон ахуыртæ Дзарцемийы полигоны. Пайда кодтой æнæ хибарæй тæхæг кусæнгарзæй. Æфсæддонтæ спайда кодтой БМП-2, минометтæ «Сани», автоматикон æмæ къухæй æхсгæ гранатометтæ. Мæнг ныхмæлæууæгæн ныхкъуырд лæвæрдтой æхсæвыгон дæр. Сæ арæхстдзинад дзы равдыстой 400 æфсæддонæй фылдæр æмæ техникæйы 60 иуæджы.Æцæг уавæртæм хæстæг цæмæй уыдаиккой ахуыртæ, уый тыххæй сæ сарæзтой хæххон уавæрты.
