Ацы аз республикæйы бюджеты æфтиæгтæ фæфылдæр уыдзысты 2 млрд 101 милуан сомы онг. Сырæздзысты хæрдзтæ дæр – 4 млрд 586 милуаны онг. Уый тыххæй хицауады æмбырды фехъусын кодта финансты министры хæстæ рæстæгмæ æххæстгæнæг Оксана Карова. Мыздтæн радих кæндзысты 716 милуан сомы. 757 милуаны райсдзысты республикæйы районтæ ахуырадон процессы рацарæзтæн 7,7 милуаны – ратдзысты культурæйы кусæндæттæн. Цæрджыты социалон æххуысæн арвитдзысты 282 милуан сомы. Льготæтимæ хостæй ифтонгадæн та 15 милуан соммæ ввахс.
Ныхас цыд æндæр фарстатыл дæр. Министрты кабинет снысан кодта федералон æмæ регионалон нысаниуæгимæ культурон объектты хъахъхъæнынады зонæтæ. Бахастой сæм Сомихаг аргъуан, Вахтанговы хæдзар, Поповты хæдзар æмæ Осман Омаровы æрмадз.
