Профессионалон дæсныдзинады чемпионаты республикон къæпхæнæн хатдзæгтæ скодтой

Хатдзæгтæ скодтой дæсæм юбилейон чемпионат “Абилимпикс”-æн. Йæ сæхгæныны фæдыл кадджын мадзал ацыд сывæллæтты сфæлдыстады галуаны. Сценæйыл равдыстой кæфтытимæ номыртæ. Хуыздæртæ райстой грамотæтæ æмæ майдантæ. Æдæппæтæй профессионалон дæсныдзинады ерысты æгас республикæйæ архайдтой хъыгдард æнæниздзинадимæ 400 адæймагæй фылдæр, уыдонæй 9 – сæрмагонд æфсæддон операцийы архайджытæ. Бæрæггæнæнтæм гæсгæ, 60 уæлахиздзауы æмæ призеры дарддæр сæ тыхтæ æвдисдзысты æвзарæн ерысты æппæтуæрæсеон къæпхæнмæ. Ацы аз компетенцитæ фæфылдæр сты, сæ нымæц у 45. Ногты ‘хсæн – робототехникæ, психологи, экономикæ. Традицимæ гæсгæ, конкурсы архайджытæ систы скъоладзаутæ, студенттæ æмæ специалисттæ. Абилимпикс у æцæг профориентацион куыст, афæдзæй афæдзмæ æркасты архайджытæн æххуыс хи раргом кæнынæн, фидæны дæсныйад равзарынæн.