Республикӕмӕ кусӕг балцы ссыд “Юнармийы” сӕйраг штабы хицау Владислав Головин

16.02.2026 20:50

Ӕмбырд ацыд Офицерты хӕдзары.

Юнармийы сӕйраг штабы хицау абон фембӕлд нӕ республикӕйы районты хайӕдты разамонджытимӕ. Ӕмбырд ацыд Офицерты хӕдзары. Мадзал райдыдта экскурсийæ. Владислав Головинæн равдыстой бынӕттон экспонаттӕ, се ‘хсæн куыд историон арсенал, афтӕ трофейон хӕцӕнгарз дӕр. Фембӕлды фӕлгӕты ныхас цыд организацийы архайдыл регионы. Фæнысан кодтой фидӕнмæ нысантæ, æркастысты фароны куыстмӕ. 2025-ӕм азы ӕдӕппӕтӕй сарӕзтой 134 мадзалы, уыдоны архайдтой сæ 92 мин адӕймаджы. Сӕ цыппӕрӕм хаймӕ ӕввахс — юнармионтæ. Фæбæрæг ма кодтой кæстæртæн фӕлтӕрддзинадæй хай кӕныны ахадындзинад. Республикæмæ кусæг балц Владислав Головинӕн у фыццаг, йæ дарддӕры пълӕнтты — регионалон координацион советы архайд.

Предыдущий материал

Инæлар-майор Бæтæгаты Таймуразæн Дзæуджыхъæуы байгом кодтой цыртдзæвæн

Следующий материал

“Фыццæгты змæлд”-имæ æмгуыстады фарстатыл ныхас кодтой республикæйы координацион советы æмбырды Сергей Меняйлойы разамындæй

Читайте также

Все новости