Республикæйы ахуырады къабазы цæуынц æхсызгон ивддзинæдтæ. Скъолаты сæйраг дисциплинæтæй уæлдай, фæсивæдæн фадат ис уæлæмхасæн ахуыртæм цæуын. Зæгъæм, æнæпилотон тæхæн аппараттæн разамынд дæттыны кълæстæм. Ахуыр кæнынц программированийыл æмæ нырыккон технологиты сусæгдзинæдтыл. Ахæм кълæстæ кусынц Мæздæджы 108-æм скъолайы бындурыл дæр. Æхсызгон та уый у, æмæ ахуыргæнинæгты ‘хсæн сты парахат. Ам сæхи фæлварынæн гæнæнтæ ис æгас районы фæсивæдæн дæр.
Æмæ уый программæты руаджы. Алы хицæн архайдæн — сæрмагонд, хæдархайгæ код. Константин Самородский куысты алы къæпхæн дæр зоны. Дисциплинæ САПР-мæ цæуы куы байгом, уæдæй нырмæ. Йæ цард сбæттынвæнд кæны информацион æдасдзинадимæ. Ныры онг цы зонындзинæдтæ райста, уыдонæй æнцонæй пайда кæны.
Ацы ифтонгарзы æххуысæй та цыфæнды формæ æмæ хуызы деталь дæр саразæн ис. Фæлæ уал фидæны дзаумайæн проект скæнын хъæуы сæрмагонд программæйы. Уый фæстæ формæйы гипс ныккæнын. Архайды къæпхæнты фæдфæдылдзинад Артем Сусин зоны иттæг хорз. Иу ахуыр дæр, гæнæн уæвгæйæ, нæ ауадзы.
Проекттæ кæныны автоматизацигонд системæйы” дисциплинæ 108-æм скъолайы байгом кодтой ахуыры азы райдиан. Уый “Уæлæмхасæн ахуырады ног бынæтты” федералон проекты руаджы. Цæуыны фадат æм ис 300 сывæллонæн æгас районæй.
Нырма уал фæлварæн куыст кæнынц фæсивæд тæхæн зонæйы. Агъуыст æнæхъæнæй ифтонггонд у. Фыццаг тынг зын вæййы тæхæн аппарат амонын, фæлæ ахуыргæнæг алы лыстæгдзинад дæр бацамоны бахъуаджы рæстæг. Къорды ис 15 адæймаджы. Æнæпилотон авиацион системæты кълас дæр фарон сентябры байгом. Ныртæккæ скъоладзаутæ сæ аппарат æмбырдгонд фæвæййынц. Дарддæр программæтæ кæнынмæ рахиздзысты.
Ацы ахуыртæм цæуыны фадат алкæмæн дæр ис. “Æнæпилотон авиацион системæты” нацпроект æххæст кæнын райдыдтой фарон æгас бæстæйы.
