Сергей Меняйлойы амынддзинадмæ гæсгæ республикæйы автовокзалты куысты фæдыл æрдзырдтой сæрмагонд æмбырды. Амыдта йæ хицауады сæрдар Дзанайты Барис.
Ныхас дзы цыд бæлццæттæн лæггæдтыл муниципалон æмæ муниципалитетты ‘хсæн маршрутты. Ныртæккæ регион æнтыстджынæй рæзы, уымæ гæсгæ транспортон бастдзинады парахат æнæмæнг у.
Дзуапдæттæг комитеты размæ сæвæрдтой хæс, сбæрæг кæнын цæрæн пункттæм транспорт цæуы æви нæ, уый, республикæйы автовокзалты инфраструктурæйы модернизацийы пъланыл бакусын æмæ æмткæй къабазы райрæзты фæдыл хъæппæристæ баххæсын.
