Æнæниздзинады уавæр сбæрæг кæнын æмæ дохтырты амындзинæдтæ райсын. Дæрддзæф хъæуты цæрджытæн бынативгæ медицинон комплексты руаджы ис сæрмагонд æркаст ацæуыны фадат. Хæдтулгæтæ ифтонг сты æппæт нырыккон гæрзтæй.
Æрвылбон дохтырты æнæмæнг ӕркастыл Гаглойты Алексей рагæй сахуыр. Ис æм сæкæрниз. Глюкозæ йӕ туджы цæмæй хъæугæ æмвæзадыл уа, уый тыххæй йын æххуыс кæнынц æрмæст хостæ æмæ дохтыртæ. Пенсиисæг цæры Мызуры. Хъæу у дæрддзæф. Уымæ гæсгæ йын ахъаз сты бынативгæ медицинон комплекстæ. Специалистæ ам лæмбынæг æркæсынц адæймагмæ.
Уый бæрц дохтыртæ хæххон районмæ æрцæуынц афæдз иу хатт. Ахӕм у æнæниздзинад хъахъхъæнынады министрады уынаффæ. Ис дзы маммографтæ, флюорографтæ æмæ эндокринологон диспансеры кусджытæ. Консультацитæ сты лæвар. Цæрджытæн лæггад кæнынц, боныхъæд цавӕрфӕнды куы уа, уӕд дæр. Лæмбынæг æркæсын хъæуы алкæмæ дæр. Дохтырты нысан иу — сæкæрнизæй рынчын адæймагæн баххуыс кæнын. Архайынц, цæмæй йæ низ уæззау фæстиуджытæм ма расайа. Уыцы процедурæтæй иу – ретинопати. Комплестæ ӕрӕвӕрдтой бирæфатерон хæдзары раз. Уый та уый тыххæй, цæмæй басгæрст ацæуой фылдæр бынæттон цæрджытæ. Хæстæг цæрæнбынæттæй та адæмы ластой тагъд медицинон æххуысы хæдтулгæтыл.
Бынативгæ комплекстæн сæ æрвылазон фæткмæ ивддзинæдтæ бахаста пандемийӕ. Уыцы рæстæг æркастытæ нæ арæзтой. Абон рæуджытæ æмæ риуты уавӕры иртӕст фæстæмæ сног кодтой. Ныртæккæ Цæгат Ирыстоны алы районты дæр кусынц дæсгай медицинон комплекстæ. Æдæппæтæй нæ регионы æххуыс бакодтой 18 мин адæймагӕн.
