Иу ахсджиаг бон ма. Абон мысынц политикон репрессииты амæттæгты. Дзæуджыхъæуы монумент “Цæссыгты дур”-ы цур арæзт æрцыд æрвылазон акци. Мемориалон комплексы фыст сты республикӕйы цӕрджытӕй кӕй фехстой, уыдоны нæмттæ —1600 адæймагæй фылдæр. Репресситы амæттæгты ном ссарынмæ æрбацыдысты республикæйы æмæ горæты хицауады уæнгтæ, æхсæнадон организациты минæвæрттæ, Ветеранты советы, 58-æм æфсады æмæ Тæрхондоны уынаффæтæ æххæстгæнæн федералон службæйы уæнгтæ, студенттæ, æмæ репрессигонд адæмы хæстæджытæ. Фæнысан кæндзыстæм, Цæгат Ирыстоны репресситæ аххæсыдысты 25 мин адæймагæй фылдæрыл. Мадзалы архайджыты ныхæстæм гæсгæ, уæззау историон цаутæ хъæуы хъуыды кæнын, цæмæй дунейы ахæм æвирхъау хъуыддæгтæ мауал æрцæуа.
