Абон республикæйы мысынц, 1992-æм азы фæззæджы цаутæ. Намысы Аллейы æдзард хъæбатырты ингæнтыл дидинджытæ сæвæрдтой Цæгат Ирыстоны сæргълæууæг Сергей Меняйло æмæ парламенты сæрдар Тускъаты Таймураз. Республикæйы разамонæг йæ социалон хызты фæнысан кодта, ацы бон æнусмæ баззайдзӕн нӕ адӕмы историйы, зӕрдыл лӕууын кӕндзӕн, сæрибардзинадæн цы стыр аргъ ис ӕмӕ йӕ хъахъхъӕнын куыд ахсджиаг у, уый. Абон мысынц, алы азты Райгуырӕн Бӕстӕ чи хъахъхъӕдта ӕмӕ йӕ сӕрвӕлтау йӕ цард чи радта, уыдоны се ‘ ппӕты дӕр.
