Аланийыл дзуæрттæфтыды бæрæгбоны аз хъуамæ ацæуа æмбæлгæ æмвæзадыл. Куыстадон балцы рæстæг республикæйы сæргълæууæг Сергей Меняйло архайдта Аланийы аргъуыды 1100 азы бæрæгбоны фæдыл цæттæгæнæн комитеты æмбырды.
Разамынд ын лæвæртта бæстæйы хицауады сæрдары хæдивæг Дмитрий Чернышенко. Президенты указмæ гæсгæ йæ сбæрæг кæндзысты ацы аз сентябры. Ахсджиаг у культурон объектты цалцæг æмæ рацарæзт афойнадыл сæххæст кæнын. Дыууæ азмæ Цæгат Ирыстоны сарӕзтой бæрæгбонимæ баст къорд мадзалы. Цалцæггонд æрцыд 11 объекты, се ‘хсæн Хетæгкаты Къостайы хæдзар-музей Нары æмæ этнотуризмы центр «Фарн».
Кадджын уавæры ма фæнд кæнынц 5 спортивон ерысы бацæттæ кæнын, дыууæ аргъуаны саив кæнын æмæ алыхуызон равдыстытæ бацæттæ кæнын.
