Цæгат Ирыстоны энергон комплексы райрæзтыл ныхас кодтой Сергей Меняйло æмæ Уæрæсейы энергетикæйы министр Сергей Цивилёв. Дарддæр цæуы газы хæтæлы арæзтад «Мамысоны» курортмæ, йæ дæргъ у 16 километры.
Уый ‘руаджы æрдзон газ бауадзысты Алагиры районы цалдæр цæрæн пуктмæ – Уæллаг æмæ Дæллаг Зæрæмæгмæ, Тиб, Лисри æмæ æндæртæм. Федералон министр уæлдай æргом аздæхта Президент социалон газификацийы фæдыл цы хæстæ сæвæрдта, уыдонмæ. Нæ республикæ ис нæ бæстæйы программæ æнтыстджынæй цы регионты æххæст кæнынц, уыдоны хыгъды. Бæрæггæнæн у 95% фылдæр.
