Хетæгкаты Къостайы зындгонд пьесæ “Фатимæ” равдисдзысты ног хуызы — мюзиклæй. Премьерæ ацæудзæн 23-æм октябры. Ныридæгæн актертæ бæстонæй сæхи цæттæ кæнынц.
Кæронбæттæны репетицитæ цæуынц мæскуыйаг специалистты цæстдарды бын. Равдыстыл кусы зындгонд режиссер Дарья Борисова. Реквизит æмæ костюмтæ уыдзысты уникалон. Ныридæгæн сæ цæттæ кæнынц Годжыцаты Изольдæйы æрмадзы. Мюзиклыл чи кусы, уыдоны ныхæстæм гæсгæ, сæ фыццаджы дæр фæнды равдисын националон бынтæ, æгъдæуттæ æмæ нæ культурæ.
