Цæгат Ирыстоны паддзахадон базарадон-экономикон колледжы уыд композитор Моргуаты Юрийы сфæлдыстадон изæр

Музыкӕйӕн йӕ цард чи снывонд кодта, уыцы композитор. Цæгат Ирыстоны базарадон-экономикон колледжы уыд аивӕдты сгуыхт архайӕг Моргуаты Юрийы сфӕлдыстадон изӕр. Фембӕлд сарӕзтой проект “Нӕ дуджы хъайтартæ”-йы фӕлгӕты. Архайдтой дзы республикӕйы зындгонд артисттӕ. Кадджын уазджыты ‘хсӕн уыдысты композиторы хиуӕттӕ ӕмӕ хӕлӕрттӕ, Культурӕйы министрады минӕвӕрттӕ ӕмӕ Ӕрыдоны сывӕллӕтты аивӕдты скъолайы кусджытӕ. Моргуаты Юрий райгуырд 1938-æм азы Джызӕлы. Скъолайы фӕстӕ бацыд музыкалон училищæмӕ, фӕлӕ дыккаг курсӕй ацыд ӕфсадмӕ. 1961-æм азы сси Советон ӕфсады зард ӕмӕ кафты ансамблы архайӕг. Баслужбæ дзы кодта 3 азы. Уый фæстæ ацыд Душанбемæ. Каст фӕци музыкалон училищæ, стӕй та — Ташкенты консерваторийы филиал. 1992-æмы композитор ӕрыздӕхт Цӕгат Ирыстонмӕ. 20 азы бӕрц ахуыргӕнӕгӕй фӕкуыста педагогон училищæйы, 15 та — йӕ райгуырӕн хъӕу Джызӕлы скъола-интернаты. Моргуаты Юрий ныффыста 300 музыкалон уацмысӕй фылдӕр. Сфӕлдыстадон изӕрмӕ колледжы студенттӕ бацӕттӕ кодтой равдыст. Фенæн дзы уыдис композиторы стӕм къамтӕ ӕмӕ йӕ уацмысты ӕмбырдгӕндтӕ.