“Æнæмæлгæ полк” арæзт цæуы æгас бæстæйы. 6-æм маймæ платформæ “2026.полкрф.ру”-мæ адæм æрвитынц сæ хъæбатырты нæмттæ, мыггæгтæ, къамтæ, сæ цардæй ис цаутæ, модератортæ та кусынц курдиæттыл. Нæ республикæйы ацы архайд æххæст кæнынц Цæгат Ирыстоны паддзахадон университеты студенттæ.
Курдиæттæ æрвитынц æгас Уæрæсейæ. Æвзарынц сæ домæнтæм гæсгæ. Ном, мыггаг, фыды ном сбæлвырд кæнынц архивтæм æмæ официалон æрмæджытæм гæсгæ. Афтæ хуызистытæ дæр. Къам хъуамæ уа сыгъдæг æнæ уæлдай элементтæй, Георгийы лентæй æмæ, гæнæн куыд ис, афтæ æмбæлгæ хæрхъæддзинадимæ.
Кæд рæдыд ис – уæд курдиат нæ райсынц. Фæлæ йæ чи балæвæрдта, уымæн йæ бон у бæрæггæнæнтæ сраст кæнын æмæ йæ ногæй бадæттын. Куысты техникон хай æнцон у, алчидæр дзы сарæхсдзæн. Фæлæ модераторты ныхæстæм гæсгæ, цæстфæлдахæн митыл дæр сæмбæлынц.
Ахæм хуызы “Æнæмæлгæ полк” афæдзæй афæдзмæ парахатдæр кæны, уымæн æмæ архайд æнцон у. Цалдæр æрхæцты æмæ æгас бæстæ йæ хъæбатыры тыххæй базоны.
“Æнæмæлгæ полк”-æй кад кæнæм йæ цард Райгуырæн бæстæйы сæраппонд чи радта, уыцы салдæттæн. Фыццаг хатт акци сарæзтой 2012-æм азы æмæ уæдæй абонмæ æгас дунейæ адæмы æнгом кæны.
