Пациенттæ стоматологты кусæнгæрзтæй рагæй нал тæрсынц, ныр фылдæр стыхсынц сæ лæггæдты бæрзонд æргътæй. Фæлæ специалисттæм бацæуæн ис æнæмæнг медицинон фæдзæхстады полисæй спайда кæнгæйæ. Лæвар медицинæ хæрзхъæд нæу, зæгъæгæ, хъуыды та раст рагæй нæу. Æххæстæй хи сдзæбæх кæнын сæ бон се ‘ппæтæн дæр у. Елизавета Колодей фыццæгæм поликлиникæйы пациенткæ у. Чызг йæ æнæниздзинадмæ куыдфæндыйы цæстæй нæ кæсы. Æппынæдзух бабæрæг кæны дæндæгты дохтыры кабинет.
Фыццæгæм поликлиникæйы стоматологон хайад рацарæзтой афæдзы размæ. Ам сног кодтой кабинеттæ, кусæнгæрзтæ иууылдæр сног кодтой. Уыимæ ма самал кодтой нырыккон бынативгæ визиограф, æнæниздзинадыл тынг нæ ахады.
Цыбыр архайд æмæ снимок компьютеры мониторыл фæзыны. Визиографы фæрцы цыбыр рæстæгмæ сбæрæг кæнæн ис дæндæгты низтæ. Ахæм аппараттæ паддзахадон кусæндæтты сты æрмæст дыууæ. Ног ифтонггæрзты æмæ дохтырты фæлтæрддзинады фæрцы медицинон æххуысы хæрзхъæддзинад зынгæ сырæзт. Æнæмæнг медицинон фæдзæхстады фæлгæты та пациенттæн кæнынц терапевтон, хирургон æххуыс, дæндæгты низты профилактикæ æмæ диагностикæ.
Дохтыртæм бахауыны тыххæй пациенты хъæуы рагагъоммæ хи ныффыссын. Уый скæнæн ис регистратурæйы уылты, уæлæфтуан МАХ-æй спайда кæнгæйæ æмæ Паддзахадон лæггæдты хи кабинеты. Æппæт гæнæнтæ дæр сты удæнцой.
7-æм поликлиникæйы кусы сывæллæтты стоматологи дæр. Æрвылбон кабинеты райсынц 12 чысыл пациенты. Скæнынц сын профилактикон æркаст, сдзæбæх æмæ сын ссыгъдæг кæнынц сæ дæндæгтæ. Специалисттæ куыд фæнысан кодтой, афтæмæй афæдзæй-афæдзмæ дæндæгты, мылыты низтимæ баст цаутæ къаддæр кæнынц.
Æнæниздзинадхъахъхъæнынады министр Митциты Астаны ныхæстæм гæсгæ, республикæйы поликлиникæтæ ифтонггонд сты раззагдæр кусæнгæрзтæй, лæггæдты хæрзхъæддзинад та хицæн клиникæтæй ныллæгдæр нæу. Ведомствæйы разамонæг ма бафтыдта, хæстæгдæр рæстæг Цæгат Ирыстоны скусдæн 73 паддзахадон стоматологон креслойы. 9 дзы уыдзысты сывæллæттæн.
Лæвар стоматологон æххуыс республикæйы цæрджытæ исдзысты æнæмæнг медицинон фæдзæхстады программæмæ гæсгæ.
Специалисттæ зæрдыл лæууын кæнынц, æрмæст æппынæдзухы æркастытæ æмæ афоныл дзæбæхгæнæн мадзæлтты фæрцы бахизæн ис æвзæр фæстиуджытæй æмæ бирæ азты дæндæгтæ æнæнизæй дарын.
