Регионалон чемпионат “Абилимпикс”-ы фæзтæй иу сси Цæгат Кавказы арæзтадон техникум. Архайджыты ‘хсæн астæуккаг профессионалон ахуыргæнæндæтты студенттæ ерыс кæнынц сис амайынæй. Хуыбылты Олег фæндзæм училищæйы ахуыр кæны ахорæг-аразæгыл. Бафæндыд æй хи ахсджиаг ерысы бафæлварын. Ныфсхаст разынд, æркасты хæслæвæрды цы кусæнгæрзтæй спайда кæна, уый зоны.
Фæзы архайджытæн æххуыс кæнынц бархионтæ: змæтынц таддаг, архайынц дурлыггæнæнæй. Здæхт “Замок” баххæст кæнынæн радтой æхсæз сахаты. Хæслæвæрд зын у, зæгъынц эксперттæ.
Компетенци “Хæринаггæнæг” цæуы Цæгат Кавказы базарадон-экономикон колледжы бындурыл. Бынаты сфæлдыстадон архайдæн æппæт гæнæнтæ дæр ис. Уымæ разæнгард кæны лæвæрдгонд хæслæвæрд дæр – “Уæрæсейы адæмты аргъæуттæ”. Фæсивæд кондитерон æрмæджытæй скодтой мæнæ ахæм цæрæгойты æмæ сæ экспертты размæ рахастой.
Дзулфыцæн лабораторийы та студенттæ цæттæ кæнынц гуылтæ къæдор æмæ адджын гаххæтимæ. Фæсивæд зæрдæргъæвдæй архайынц, кæд æнцон хъуыддаг нæу, уæддæр. “Дзулфыцæг” компетенцийы хæслæвæрдтæ ахæсынц цыппар сахаты. Цæттæ хойрагæн аргъ скæнынц эксперттæ.
Регионалон чемпионат «Абилимпикс» фæцæуы хъыгдард æнæниздзинадимæ адæмы ‘хсæн. Ацы аз сæ профессионалон дæсныдзинад æвдисынц цыппар сæдæ архайæджы цыппор фондз компетенцийы. Нымад цæуы фæсивæды кар дæр: ерыс кæнынц скъоладзаутæ, студенттæ æмæ специалисттæ. Егъау æркаст цæуы “Фæсивæд æмæ сывæллæттæ” нацпроект æмæ Президентон платформæ “Уæрæсе — гæнæнты бæстæ”-мæ гæсгæ.
