Дзæуджыхъæуы Футболы академийы бындурыл арæзт æрцыд æрвылазон футболон турнир 2004-æм-2005-æм азы гуырд футболистты ‘хсæн. Архайдтой дзы 12 командæйы республикæйы районтæй. Хæстæгдӕр рæстæг ацы фæсивæд уыдзысты футболон академийы рауагъдонтæ. Уымæ гæсгæ сын ацы ерыстæ ратдзысты фæндаг стыр спорты дунемæ.
Ерысты сæйраг нысан — фæсивæды спортмæ разæнгард кæнын æмæ æнæниз царды уаг парахат кæнын. Фыццаджыдæр та бæстæйы футболон командæтæн профессионалон футболистты цæттæ кæнын. Ныртæккæ та ма футболисттæм æнхъæлмæ кæсынц Уæрæсейы, Цæгат Кавказы æмæ Хуссар Федералон зылды ерыстæ.
