Росмолодежы конкурсмæ курдиæттæм æркастысты Мæскуыйы

Росмолодежы конкурс “Регион для молодых”-мӕ курдиӕттӕм æркастысты Мæскуыйы. Цӕгат Ирыстон рӕгъмӕ рахаста фӕсивӕды политикӕйы рӕзты программӕ. Проект хъахъхъӕдта республикӕйы профилон комитеты сӕрдар Джусойты Руслан. Видеобастдзинады руаджы мадзалы архайдта премьер Дзанайты Барис дæр. Куыл фӕнысан кодта, афтæмæй регион стыр ӕргом здахы сæрмагонд инфраструктурӕ саразынмӕ. Республикӕ арвыста курдиат 2027-æм азы конкурсон ӕвзӕрстмӕ. Федералон ӕххуысы фӕрцы раздæр сцалцӕг кодтой Фӕсивӕды галуан. Ног проект та у Хетӕгкаты Къостайы номыл центр сног кæныны фæдыл. Цалцæг аххæсдзæн 800 квадратон метрыл. Фæнд кæнынц саразын 8 функционалон зонӕйы. Фӕзындзысты дзы “Фыццӕгты змӕлды” тыгъдад, концертон зал ӕмӕ ӕрыгон бинонты клуб. Программӕйы фæлгæты араздзысты егъау тематикон мадзӕлттӕ дæр. Уӕлдай ӕргом аздахдзысты патриотон хъомылад ӕмӕ хӕстон-спортивон лагерь “Балц”-мӕ. Фӕсивӕдӕн араздзысты экскурситӕ хӕстон намысы бынӕттӕм Уӕрӕсе ӕмӕ Белоруссийы.