Майы кæронмæ æххæстгæнæн органты хицауады уæнгæ æмæ сæ дæлбар цы куыстуæттæ ис уыдоны хъæуы сæ хæстæ бафидын æрдзон газ, дон æмæ электрон тыхæй кæй пайда кæнынц уымæн. Уый тыххæй сæрмагонд æмбырды фехъусын кодта республикæйы хицауады сæрдар Тускъаты Таймураз. Премьер куыд бафиппайдта, афтæмæй ацы хъуыддагыл бæстон бакусын хъæуы республикæйы æнæниздзинад хъахъхъæныны министрады æмæ егъау дзæбæхгæнæн куыстуæтты.
Уымæй уæлдай ма Тускъаты Таймураз министраттæм æмæ комитетты разамонджытæм фæсидтис Уæрæсейы хицауады сæрдары хæдивæг Виталий Мутко социалон-экономикон райрæзыты фæдыл æмбырды цы фарстатæ фæнысан кодта уыдоныл бæстонæй бакусын. Министрты æмæ хицуады уæнгты хъæуы уæлдай æргом аздахын æнæниздзинад хъахъхъæныны, культурæ, ахуырад æмæ спорты ног объектты сæрмагонд гæххæтыты цæттæдзинадмæ, цæмæй сæ 2020 азы федералон программæмæ баххæсой.
Уымæй уæлдай ма дзырдтой республикæйы национ проектты райрæзтыл. Тускъаты Таймураз куыд бафиппайдта афтæмæй сыл кусынц. Уымæй уæлдай ма республикæйы экономикон райрæзты министрæн бабар кодта цæмæй национ проектты фарстаты фæдыл сараза æмбырд.
