Цæгат Ирыстоны промышленон продукцийы индекс ивгъуыд азы 11 мæйы бæрæггæнæнтæм гæсгæ у 125%. Ахæм бæрзонд бæрæггæнæтæ фæнысан кæнын къухы бафтыд хойрæгты къабазы куысты фæрцы. Бантыст æхсыры æмæ дзидзайæ конд хойрæгтæ фæфылдæр кæнын.
2020-æм азы Цæгат Ирыстон фæфылдæр кодта дзидза æмæ æхсырæй конд продукци. Хорз бæрæггæнæнтæ равдыста рог куыстад дæр. Æрæфы хуыйæн фабрикæ, акционерон æхсæнадтæ «Одежда» æмæ ОЗАТЭ. Куыстуæттæ цыппар хатты фылдæр уадзын райдыдтой сæрмагонд уæлæдарæс. Раппæлинаг нæу, фæлæ къабазы райрæзтыл хуыздæры ‘рдæм сахадыдта коронавирусы пандемийæ. Бирæ куыстуæтты цыбыр рæстæгмæ бахъуыд маскæтæ хуыйын райдайын. Уæдæ дезинфекцигæнæн буаргъæдтæ хъæугæ кæй сты, уымæ гæсгæ химион промышленносты куыстуæттæ дæр сæхиуыл схæцыдысты. 103% рæзты бæрæггæнæнтæ `вдисынц, нырыккон технологон кусæнгæрзтæ чи уадзы, уыдон дæр. Ам раззагдæртимæ сты «Баспик», «Радуга», «Разряд» æмæ «Алмаз».
Ивгъуыд азы 11 мæйы æмгъуыдмæ республикæйы зынгæ фæуæрæхдæр бæлцæттæ ласыны куыст. Æмткæй расйгæйæ, автотранспортæй спайда кодтой 24 милуан адæймаджы.
Министрады снысан кодтой сæрмагонд номыр. Ардæм æрбацæуынц цæрджыты курдиæттæ æмæ хъæстытæ. Специалисттæ сыл транспортон компанийы минæвæрттимæ иумæ бакусынц. Уыимæ ма республикæйы сæргълæууæг Битарты Вячеслав æмбæлгæ министрады кусджытæн бабар кодта, цæмæй æрвылбон маскæтæ æнæмæнг дарыны фæтк æххæст кæннымæ сæ цæст дарой.
Уазиты Зæлинæ
