Цæгат Ирыстоны сæргълæууæг Сергей Меняйло информацийы техникон хъахъхъæнынады фæдыл сарæзта æмбырд. Мадзалы архайдта Техникон æмæ экспертон цæстдарды Федералон службæйы Цæгат Кавказы æмæ Хуссар Федералон зылдты управленийы разамонæджы хæдивæг Сергей Железков.
Æрдзырдтой Поддзахадон хицауады оргæнты информаци хъахъхъæныны фарстатыл. Информацион инфраструктурæйы кибератакæтæ нæ къаддæр кæнынц. Уый тыххæй уæлдай æргом аздахын хъæуы киберæдасдзинадмæ федералон, регионалон æмæ муниципалон æмвæзадтыл. Æмбырды кæронбæттæн рахастой сæрмагонд уынаффæтæ уæлæмхасæн мадзæлтты тыххæй.
