Октябры Цӕгат Ирыстоны рæгъмæ рахæсдзысты этнокультурон бынты нымæцон реестр. Адӕмон сфӕлдыстады хӕдзары проекты ис 20 объекты. Се ‘хсæн рагон зарджытӕ, зарӕггӕнджыты нӕмттӕ, уацмысты ныффысты рæстæг ӕмӕ бынӕттӕ. Алы элементӕн дӕр — дыууӕ справкӕйы: цыбыр ӕмӕ наукон.
Уӕлӕмхасӕн видеоуроктӕ чъиритӕ фыцыны дӕснытӕй, национ кæлмæрзæн бийынӕй, сыгъзӕринӕй хуыйынӕй ӕмӕ традицион бӕгӕныйы къус аразынӕй. Архивон кадртӕм гӕсгӕ фенæн ис æрвылбоны царды дзауматы истори — скифтӕй ӕмӕ астӕуккаг ӕнустӕй абоны онг. Бӕрӕггӕнӕнты базӕ ӕрӕмбырд кодтой нацмузейы, Цæгат Ирыстоны гуманитарон æмæ социалон иртæстыты институты специалисттæ æмæ коллекционертӕ. Уыцы иу рæстæг — федералон æмвæзадмæ рахизын. Уæрæсейы культурæйы министрады сӕрмагонд реестры алы регионӕй дӕр райсдзысты афӕдз ӕрмӕст дыууӕ курдиаты. Нӕ “Симд” дзы ныридæгæн ис. Сентябры реестры сфидар кӕндзысты традицион ӕртӕ чъирийы дӕр. Цӕмӕй сын сӕ сакралон мидис равдыстаиккой, уый тыххӕй адӕмон сфӕлдыстады хӕдзары эксперттӕ æрзылдысты Куырттаты ӕмӕ Дыгуры кӕмттыл. Ӕрӕмбырд кодтой къамтӕ ӕмӕ видеотӕ. Ныртӕккӕ документтӕ — кӕронбӕттӕны къӕпхӕныл.
