РЦИ-Аланийы сæргълæууæг Сергей Меняйлойы разамындæй уыд æрвылкъуырион аппаратон æмбырд

Фæстаг 7 бонмæ республикæйы сæрмæ знаджы æнæтæхæг аппараттæ нæ уыд. Уый тыххæй фехъусын кодтой аппаратон æмбырды. Ныхас цыд фыдракæндты нымæцыл дæр. Мидхъуыддæгты министрады минæвæрттæ фæнысан кодтой 174 барадхæлды, уыдонæй сæдæйæ фылдæр – ныридæгæн раргом кодтой. Фæндæгтыл æрцыд сæдæ фыдбылызы. Хъыгдард дзы баййæфтой 13 адæймаджы. Боныхъæдимæ баст уавæр дæр тæссаг у. Афæдзы райдианæй хæххон районты рацыд 26 зæйы. Уæлдай цæстдард – транзитон транспортмæ. Ныртæккæ паддзахадон арæны сæрты ахизынмæ рады ис дыууæ мин уæзласæн хæдтулгæйы. Эпидемиологон уавæр сабыр у. Уæрæсейы фæлхасгæнджытæм цæстдарды управленийы информацимæ гæсгæ, карантины сæхгæдтой сывæллæтты 9 рæвдауæндоны. Сергей Меняйло радта къорд амынддзинæдтæ социалон инфраструктурæ æмæ культурæйы райрæзты фæдыл.