Цæгат Ирыстоны Цæрæнуæтты коммуналон хæдзарад, артаг æмæ энергетикæйы министры хæдивæг Кучиты Зауырбег байхъуыста цæрджыты курдиæттæм. Мадзал ацыд парти «Иугонд Уæрæсе»-йы сæрдар Дмитрий Медведевы регионалон æхсæнадон исæнуаты партийы хъæппæрисæй. Адæммæ сæвзæрд алыхуызон фарстатæ. Сæйрагдæртæ — донæй ифтонгад, канализаци, коммуналон лæггæдты æргътæ æмæ хæсты тыххæй. Дзæуджыхъæуы Интернационалон уынджы хæдзæрттæй иуы бын, ныр афæдзы дæргъы хъары доны хæтæл. Уый аххосæй Челæхсаты Маринæйы фатеры къултæ схъуына сты. Фыссы дзуапдæттæг вдомствотæм, фæлæ уавæр йæ бынатæй не ‘змæлы.
Мадзалы ма бацархайдтой Дзæуджыхъæуы Цæрæнуæтты коммуналон хæдзарады комитеты сæрдары хæдивæг Азиаты Сослан, цæрæнуæттæм цæстдарды паддзахадон службæйы разамонæджы хæдивæг Тимур Серокуров æмæ Цæрæнуæтты коммуналон хæдзарады къабазмæ æхсæнадон цæстдарды националон центры разамонæг Александр Кузнецов. Кучиты Зауырбег куыд фæбæрæг кодта, афтæмæй цæрæнуæтты коммуналон хæдзарады фарстатæм хицауады уæнгты ‘рдыгæй кæддæриддæр ис бæстон цæстдард.
