Специалисттӕ иртасынц згъӕры уавӕр. Рагагъоммӕ зӕгъӕн ис: ис дзы згæ ӕмӕ хуынчъытæ. Хидыл дӕсгай азтӕ цӕуы ӕмӕ дзы æрвылбон сӕдӕгай адӕймӕгтӕ спайда кæнынц. Цалдӕр боны фæзуатыл кусы Петербургæй бригад. Дзырдӕн, куыстуат Транс Мост у Уӕрӕсейы рагондӕртæй иу, уымӕ гӕсгӕ хӕрзхъӕддзинадыл тыхсын нӕ хъӕуы. Специалисттӕ объект дыккаг бон сгарынц, фӕлӕ нырма уавӕрыл дзурынӕн раджы у.
Ӕфсӕн пациенты басгӕрстæн фылдӕр хатт ӕртӕ бонӕй фылдӕр нӕ бахъӕуы. Хидæн бӕрӕг кӕнынц йæ бетон æмæ згъæры фидардзинад. Сӕрмагонд приборы руаджы инженертӕ фенынц чысыл къуыппытæ æмæ дзыхъхъытæ дæр.
Хид у республикӕйы рагондӕртӕй иу. Раздӕр йӕ бынаты уыд мæнгæфсон ацæуæн. Архивы кадртыл фенӕн ис, цӕрджытӕ уынджы иннӕ фарсмӕ хъӕдын къӕбӕлтыл куыд хизынц, уый. 55-ӕм азы объект ногæй рацаразын сфӕнд кодтой. Уӕдӕй фӕстӕмӕ бындуронӕй иу хатт дӕр цалцӕггонд нӕма ӕрцыд.
Басгӕрсты фæстæ специалисттӕ рахӕссынц хатдзӕг, фидӕны цалцӕгады æууæлтæ кӕм амонынц, ахæм. Дзырдӕн, сног кӕнынмӕ хъавынц горӕты сӕйраг хидтӕ иууылдӕр. Цӕнгӕт, Кировы, Китайаг, Сырхгвардион ӕмӕ бирӕ ӕндӕртӕ. Куыстытӕ кӕндзысты къӕпхӕнгай.
