Сæрды Дзæуджыхъæуы ацæудзæн фыццаг æппæтуæрæсеон театралон фестиваль «Вахтангов. Путь домой». Стыр бæрæгбон уыдзæн 13-æм июлы. Ацы мадзал баст у Цæгат Ирыстоны автономийы 100 азимæ. Вазыгджын цаумæ цæттæгæнæн фарстатыл премьер Дзанайты Барис æрныхас кодта Вахтанговы номыл паддзахадон академион театры директор Кирилл Крокимæ. Уымæй уæлдай ма апрелы æххæст кæны афæдз Дзæуджыхъæуы Вахтанговы хæдзар куы байгом кодтой, уæдæй. Бæрæгбоны фæдыл мæскуыйаг театры къорд Дзæуджыхъæумæ æрбаласдзæн музейон равдыст. Уый дарддæр баззайдзæн Евгений Вахтанговы хæдзары.
Кусæг къорды æмбырды æрныхас кодтой цæттæгæнæн мадзæлттыл. Фестиваль ахæссдзæн 19-æм июльмæ. Байгом уыдзæн карнавалон цыдæй. Уыдзысты дзы уынгты театртæ, фестивалы архайджытæ, горæты цæрджытæ æмæ уазджытæ. Иннæ бон та центрон парчы равдисдзысты Пушкины уацмыстæм гæсгæ æвæрд цалдæр спектаклы. Цымыдисаг уыдзысты бинонтæн. Фестивалы сæйраг программæйы архайдзысты театртæ Мæскуы, Санкт-Петербург, Казань, Архангельск, Омск æмæ Макеевкæйæ. Мадзал арæзт цæуы Культурон хъæппæристы президенты фонд æмæ Цæгат Ирыстоны хицауад æмæ сæргълæууæджы æххуысæй. Режиссер Уалыты Гивийы спектакль “Авд цухъайы” сæхгæндзæн фестивалы сæйраг программæ. Премьерæ равдисдзысты Ирон театры сценæйыл.
Фестиваль «Вахтангов. Путь домой»-ы фæлгæты лæвæрд æрцæудзæн æртæ премийы фæйнæ 100 мин сомы. Уыдон ратдзысты культурæ, социалон æмæ креативон индустрийы къабæзты рæзтмæ стыр æвæрæн чи бахаста, уыдонæн. Преми райсынæн кандидатты сбæрæг кæндзысты республикæйы сæргълæууæг æмæ.
