Йæ службæ райдыдта 2002- æм азы. Æфсады фæстæ Рашат Садыков контракт бафыста Уæрæсейы национ гвардиимæ. Нæлгоймаг ацыд йæ дадайы фæндагыл — Фыдыбæстæйы Стыр хæсты архайæг, Германийыл фæуæлахизы тыххæй майданы хицау. Рашат æй сабийæ фæстæмæ зыдта — Райгуырæн бæстæ хъахъхъæнын уыдзæн йæ сæйраг хæс. Сæрмагонд æфсæддон операцимæ та бахауд 2022-æм азы. Артиллерион æфсæдты специалист уым ссардта æцæг, иузæрдион хæлæртты.
Уыцы цаутæ рох никуы уыдзысты. Алцы радзурын зæрдæ нæ комы, зæгъы лæппу. Бирæ цаутæ, тохы бынæттæ ныр дæр сты “сусæгæг” . Рашат æфсæддон операцийæ æрвыст æрцыд йæ æнæниздзинады уавæрмæ гæсгæ. Райдыдтой йæ астæутæ риссын. Цыбыр рæстæгмæ низ стыхджын.
Некроз – тæссаг низ. Бирæ рæстæг хæстон хъуыды кодта дарддæр куыд кæна, зæгъгæ. Æнæнхъæлæджы базыдта «Фыдыбæстæ хъахъхъæнджытæ» фонды тыххæй. Æххуысы фæдыл сæм фæсидт æмæ фарста уайтагъд аиуварс кодтой.
Уый тыххæй дистанцион хуызы райдыдта ахуыр кæнын Уæрæсейы президенты адæмон хæдзарад æмæ паддзахадон управленийы академийы. Уыд тынг цымыдисаг, райста бирæ ног зонындзинæдтæ. Курсыты фæстæ слæууыд цæрджытæн куыст дæттыны центры хыгъды. Дыууæ къуырийы фæстæ йын Ахуырад æмæ наукæйы министрады йын фæзынд программисты бынат. Йæ ног хъуыддаджы йæ фарсмæ балæууыд йæ бинойнаг, уый дæр, кæй зæгъын æй хъæуы, æфсæддон у.
Ныр та хъомыл кæнынц дыууæ фырты. Амир æмæ Мараты. Бинонты æнгом ахастдзинæдтæ сфидар, йæ мидбылты худгæйæ зæгъы Рашат. Йæ бинойнаг хорз æмбары командировкæты зындзинæттæ æмæ сæйрагдæр та Райгуырæн бæстæйы раз цы хæс лæууы, уый. Хæстæгдæр рæстæг Рашат ацæудзæн ахуыртæм Мæскуымæ. Стыр авиакомпанийы йæм се ргом раздæхтой æмæ ныр та каст фæуыдзæн программон фæрæзты æдасдзинады курсытæ. Фидæны йæ зæрдæ дары ацы здæхæны куыст ссарыныл.
