Сæрмагонд æфсæддон операцийы архайджытæн нысангонд егъау турнир ацыд Уæрæсейы æмæ йæ хæлар бæстæты

“Фыдыбæстæйы хъæбатыртæ”. Сæрмагонд æфсæддон операцийы архайджытæн нысангонд егъау турнир ацыд Уæрæсейы æмæ йæ хæлар бæстæты. 8-æй 21 азы онг спортсментæ ерыс кодтой 15 алыхуызон дисциплинæты. Æмткæй дзы архайдтой 12 мин адæймаджы. Дзæуджыхъæуы лæппутæ æмæ чызджытæ сæ арæхстдзинад æвдыстой тхэквондойæ. Цæгат Ирыстоны командæ кад скодта Уæрæсейы хъæбатыр Абайты Юрийæн. Мадзал бабæрæг кодта физкультурæ æмæ спорты министр Фрайты Сослан. Комкоммæ трансляцийы фæрцы цымыдисаг турнирмæ кастысты алы горæтты. Видеобастдзинады руаджы спортсментæн фадат уыд кæрæдзиимæ сæ фæлтæрддзинадæй фæхай кæнын æмæ радзурын се ‘мзæххонты лæгдзинады тыххæй. Сæйраг нысан – фæсивæды æрбангом кæнын.