Сергей Меняйло фембæлд, Украинæйы сæрмагонд æфсæддон операци æххæстгæнгæйæ чи фæмард, уыцы æфсæддонты бинонтимæ.
Регионы разамонæг хъæбатырты хиуæттæн ракодта тæфæрфæс æмæ сын радта паддзахадон хæрзиуджытæ. «Бузныг уын, Райгуырæн бæстæйы æцæг патриотты кæй схъомыл кодтат, уый тыххæй. Нæ бæстæйы сабыр фидæны сæраппонд йæ цард чи радта, уыдоны мах никуы ферох кæндзыстæм», – загъта Сергей Меняйло.
Хъæбатырдзинад, æхсар æмæ удуæлдайдзинады тыххæй, бæстæйы Президенты Указмæ гæсгæ, Лæгдзинады ордентæй (сæ мæлæты фæстæ) хорзæхгонд æрцыдысты: хистæр лейтенант Иван Каренгин, мичман Хъæрджынты Аслан, хистæр прапорщик Харебаты Азæмæт, старшина Хадаты Нодар, хистæр сержанттæ Михаил Гусев æмæ Валерий Михайлов, кæстæр сержант Александр Хохлов, ефрейтортæ Уырысты Альберт æмæ Касаты Виталий, уыимæ рæнхъонтæ Бæззаты Анатолий, Дудайты Виталий æмæ Денис Чалов.
