Сæрмагонд операцийы архайджытæн æмæ сæ бинонтæн æххуыс суыдзæн “Иугонд Уæрæсе”-йы адæмон программæйы сæйраг здæхт

Сæрмагонд æфсæддон операции ветерантæн æмæ сæ бинонтæн æххуыс суыдзæн “Иугонд Уæрæсейы” ног Адæмон программæйы сæйраг здæхт.  Уый тыххæй йæ официалон каналты фехъусын кодта Сергей Меняйло. Мадзæлтты ‘хсæн – профессионалон ахуырад, куыстифтонгад, медицинон æмæ психологон реабилитаци. Документ ма амоны æфсæддонтæн ӕмӕ сӕ цотæн уӕлдӕр скъолатӕм цӕугӕйӕ баххуыс кӕнын. Адӕмон программӕ сбӕрӕг кӕндзӕн партийы куысты сӕйраг къабӕзтӕ хӕстӕгдӕр азты. Ахсджиаг ма у уый, æмæ йæм бахастой æппæт бæстæйы цæрджыты хъæппæристæ, уыимæ нæ республикæйæ дæр. 22 августы, партийы æмбырды дыккаг къæпхæны æрныхас кæндзысты уæлæмхасæн гæнæнтыл. Уымæй уæлдай æрдзурдзысты Уæрæсейы президент цы хъæппæристæ бахаста, уыдоныл дæр. Уый фæстæ, хъæлæскæнынады руаджы, равзардзысты документы кæронбæттæн хуыз.