Сергей Меняйло инӕлар-майор Владимир Устиновы снысан кодта йе ‘ххуысгӕнӕгӕй. Уый тыххæй фехъусын кодтой аппаратон ӕмбырды. Цæрæнуатон-коммуналон хæдзарады министры хӕстӕ рӕстӕгмӕ ӕххӕстгӕнӕг Хъараты Тимур фехъусын кодта, коммуналон службӕтӕ зымӕгмӕ цӕттӕ кӕй сты. Хъармгӕнӕн сезон райдайдзӕн фынддæссæмæй æвддæсæм октябрьмӕ. Зӕгъӕн ис, ӕмӕ æппæт дыууæ мин фарастсӕдӕ дыууын ӕртӕ бирӕфатерон хӕдзары дæр райстой цӕттӕдзинады акттӕ. Ӕрмӕст ма æртыны хъӕуы ныккӕндтӕ ссыгъдӕг кӕнын. Республикӕ ифтонг у артагӕй. Æвæрæнты — дыууæ мин тоннӕйӕ фылдӕр бензин ӕмӕ мин авдсæдæ тоннӕйы бӕрц дизель. Тагъд ма регионмӕ ӕрбаласдзысты цыппар мин фондзсӕдӕ тоннӕйы артаг. Артаджы станцæты дыккаг къуыри радгӕс вӕййынц бархионтӕ. Уыдон ӕххуыс сты машинӕты змӕлд фӕткыл сӕвӕрынӕн.
Вирусон инфекцитæй рынчынтӕ республикӕйы чысыл фӕфылдӕр сты. Коронавирус ивгъуыд къуырийы дӕргъы никæмæ рабæрæг. Цӕгат Ирыстоны сараздзысты фыццаг форум программӕтæ “Хъæууон ахуыргæнæг”, “Хъæууон дохтыр”, Хъæууон фелсыр” æмæ “Культурæйы хъæууон кусæг”-ы архайджытæн. Ныхас цыд æрыгон лидертыл дæр.
