Сергей Меняйло архайдта хъазахъхъæгты хъуыддæгты фæдыл Уæрæсейы Президенты цур советы æмбырды

1.12.2023 19:29

Мадзал ацыд Уæрæсейы Президенты æххуысгæнæг Дмитрий Мироновы разамындæй.

Республикæйы сæргълæууæг Сергей Меняйло архайдта хъазахъхъæгты хъуыддæгты фæдыл Уæрæсейы Президенты цур Советы æмбырды. Мадзал ацыд Уæрæсейы Президенты æххуысгæнæг Дмитрий Мироновы разамындæй. Æмбырды архайджытæ ныхас кодтой, хъазахъхъæгты Паддзахадон политикæйы Стратеги æххæст кæныныл. Цæгат Ирыстоны хъазахъхъæгты æхсæнад ахсы ахсджиаг бынат. Уыдон æххæст кæнынц раззагдæр хæстæ регионы æдасдзинад æмæ барад хъахъхъæныны фарстаты. Архайынц республикæйы алы къабазы дæр. Нæ бæстæйы сæраппонд хæцынц сæрмагонд æфсæддон операцийы. Регионы 16 скъолайы ис кадетон æмæ хъазахъхъæгты кълæстæ. Абон Советы æмбырды цы ахсджиаг фарстатыл цыд ныхас, уыдон æххуыс уыдзысты регионты хъазахъхъæгты æхсæнады райрæзтæн. паддзахадон политикæйы стратеги нысангонд æрцыд 2030-æм азмæ. Уыцы æмгъуыдмæ æххæстгонд æрцæудзысты Президенты амынддзинæдтæ æмбырды кæронбæттæн фæнысан кодта Сергей Меняйло.

Предыдущий материал

Гергиты Валерийы фондз азмӕ снысан кодтой Стыр театры генералон директорæй

Следующий материал

Дзанайты Барисы разамындӕй ацыд цæрæнуатон-коммуналон хæдзарады фарстаты фæдыл æмбырд

Читайте также

Все новости