Сергей Меняйло, бæстæйы президенты бардзырдмæ гæсгæ, байхъуыста цæрджыты курдиæттæм

Сергей Меняйло, бæстæйы президенты бардзырдмæ гæсгæ, байхъуыста цæрджыты курдиæттæм. Сæргълæууæгмæ æрбацыд 13 адæймаджы. Фарстатæ баст уыдысты цæрæнуатон-коммуналон хæдзарад, скъолатæ æмæ фæндæгты цалцæгимæ. Ныхас цыд, зын уавæры чи ис, уыцы цæрджытæн баххуыс кæныныл дæр. Сындзыхъæуы скъола тагъд рæстæджы «Ахуырады» национ проектмæ гæсгæ цалцæг кæнын райдайдзысты. Ахуыргæнджытæ курынц, цæмæй нырыккон домæнтæм гæсгæ ифтонггонд æрцæуа. Сæргълæууæг зæрдæ бавæрдта, хъуыддаг къухы кæй бафтдзæн, уымæй. Мамсыраты Дæбейы номыл сывæллæтты чиныгдон бацæттæ кодта энциклопеди «Мæ Ирыстон». Уым æмбырдгонд æрцыд 200 уацхъуыдыйæ фылдæр нæ зындгонд æмзæххонтæ, Цæгат Ирыстоны æнтыстытæ, историон цаутæ æмæ егъау куыстуæттыл. Проекты райрæзтæн баххуыс кæнын Сергей Меняйло бабар кодта дзуапдæттæг ведомствотæн. Куыд фæнысан кодта, афтæмæй чиныг хъæуы рауадзын, йæ экземпляртæй та байуарын скъолатæ æмæ районты чиныгдæттыл. Фæндæгты уавæр фæхуыздæр кæныны тыххæй курдиæттимæ æрбацыдысты Дзæуджыхъæу, Алагир, Дигора, Цыкола æмæ Елхотты цæрджытæ. Сергей Менялойы ныхæстæм гæсгæ, æнæ æркастæй иу курдиат дæр нæ баззайдзæн. Куыд æххæстгонд цæуынц, уымæ та цæст дардзæн йæхæдæг.