Сергей Меняйло фембæлд “Газпром межрегионгаз”-ы генералон директоры хæдивæг Юрий Пахомовскиимæ. Æмбырды ма архайдта куыстуаты генералон директор Кодзаты Алан. Æрдзырдтой республикæйы пайдагæнджытæ фидыны фæтк куыд æххæст кæнынц, уыимæ хъармдæттæг куыстуæттæ цы хæстæ дарынц, уыдоныл. Бæрнон кусджытæ куыд фæнысан кодтой, атфæмæй сæ бæрц фæкъаддæр. Уымæй уæлдай, ацы азæй фæстæмæ фиддонтæ фыст цæудзысты Цæгат Ирыстоны хъармдæттæг иумæйаг операторы уылты. Хицæн ныхас цыд туристон-рекреацион комплекс “Мамысон”-ы газæй ифтонгадыл. Ныридæгæн бынаты аразынц газы хæтæлтæ. Се ‘руаджы газæй сифтонг кæндзысты канд курорт нæ, фæлæ цалдæр хъæуы дæр.
